شعر عن ريهام

بسم الله الرحمن الرحيم
شعر عن رهام نبدأ
شوفي الزمن كيفن مشي
وانأ لسه تايه في الزحام
أدمنت ياحلوة السهر
وعيوني جافت للمنام
مااصلو قلبي هجرني فات
سافر رحل بي وراك هام
وانأ لسه بسأل في الخلوق
الليلة وين ماجات رهام
وارجع واتوه وسط الزحام
وازرف دموع الشوق بحور
وتفيض حنين نسمة وغمام
وانزل مطر يسأل عليك
الليلة وينك يارهام
يادره من درر الشرق
علمتي روحي الابتسام
علمتي ياحلوة الخلوق
العشرة والحب والوفاء
والطيبة والحن والغرام
وريتي كيف الناس تحب
والناس تقول بي حن سلام
كل الصفات الحلوة فيك
رقة وبراءة واعتدال وعفة
وحياة وذوق واحترام
إلا الغريب القسوة فيك
والجفوة والصد والخصام
قلبك بفيض رقة وحنان
لكنو قاسي علي دوام
يوم اتولد أنا حبي ليك
ياحلوة أعلنت الفطام
والشي الغريب وبالجد بحير
يارهام وريتي كيف الناس تريد
والريدة في شرعك حرام
وأنا لسه تايه في الزحام
وبنده عليك وسط الخلوق
الليله وين ياناس رهام
وقليبي من شوقي الشديد
ياروحي ليك أصبح حطام
لكني ياعشقي وهواي
مابرضي لي حبي انهزام
أنا برضي مابعتب عليك
لو حتي تبخلي بالسلام
بس داير أقول يامدهشة
دنياي غيرك موحشة
والحسرة فيني معشعشه
وجواي أحزان مابتموت
أشواقي ديمة بتنعشا
لكن بقول ليك ياملاك
مهما الزمن دور مشي
حاظل احبك يارهام
حاظل احبك يارهام

يسلمووووووووووو قلبووو

يسلمو حلووو

تسلمين ع الردود~~

يسلمووووو

الله يسلمك~~

شكرا

ماهو الريهام

يسلمووو

يسلمووو

روعه يسلمووو

يسلمو عالردود الرووعه..

يسلمو اسم استاذتنا بعطيه إيااه ههههههه يسلمو جدا جدا جدا